უკრაინა მზადაა საპრეზიდენტო არჩევნებისთვის, თუ პარტნიორები უზრუნველყოფენ უსაფრთხოებას. ამის შესახებ განცხადება უკრაინის პრეზიდენტმა ვოლოდიმირ ზელენსკიმ გააკეთა, მას შემდეგ რაც აშშ-ის პრეზიდენტმა დონალდ ტრამპმა განაცხადა, რომ კიევი ომს არჩევნების თავიდან ასაცილებლად იყენებს.
ზელენსკის საპრეზიდენტო ვადა 2024 წლის მაისში იწურებოდა, თუმცა რუსეთის შეჭრის შემდეგ უკრაინაში საომარი მდგომარეობა გამოცხადდა და არჩევნები შეჩერდა. ზელენსკის თქმით, ის მოამზადებს წინადადებებს კანონში ცვლილებების შესატანად. არჩევნების ჩატარება შესაძლებელი იქნება უახლოეს 60-90 დღეში, თუ აშშ და სხვა მოკავშირეები უზრუნველყოფენ ხმის მიცემის უსაფრთხოებას.
A
