უკრაინის პრეზიდენტი ვოლოდიმირ ზელენსკი აცხადებს, რომ ქვეყანა მზად არის საპრეზიდენტო არჩევნების ჩასატარებლად, იმ შემთხვევაში თუ საერთაშორისო პარტნიორები უზრუნველყოფენ უსაფრთხოებას საარჩევნო პროცესის დროს. ზელენსკის განცხადება მოჰყვა დონალდ ტრამპის ბრალდებებს, თითქოს უკრაინა ომს არჩევნების თავიდან ასაცილებლად იყენებს.
უკრაინაში საპრეზიდენტო არჩევნები 2024 წლის მაისში უნდა ჩატარებულიყო, თუმცა რუსეთის აგრესიის გამო, ქვეყანაში საომარი მდგომარეობაა გამოცხადებული და არჩევნები გადაიდო. ზელენსკი აცხადებს, რომ განიხილავს კანონში ცვლილებების შეტანის შესაძლებლობას და არჩევნების ჩატარება შესაძლებელი იქნება 60-90 დღის ვადაში, თუ უსაფრთხოება გარანტირებული იქნება.
A
