ჯანდაცვის მსოფლიო ორგანიზაციის (ჯანმო) ვაქცინების უსაფრთხოების საკითხებზე მომუშავე გლობალური ექსპერტთა კომიტეტის ახალმა ანალიზმა აჩვენა, რომ არსებული მტკიცებულებების საფუძველზე, ვაქცინაციასა და აუტიზმის სპექტრის აშლილობებს (ASD) შორის მიზეზობრივი კავშირი არ არსებობს. ეს დასკვნა კიდევ ერთხელ ადასტურებს ჯანმოს პოზიციას, რომ ბავშვთა ვაქცინები აუტიზმს არ იწვევს.
ვაქცინების უსაფრთხოების საკითხებზე მომუშავე გლობალური საკონსულტაციო კომიტეტი (GACVS), რომელიც 1999 წელს შეიქმნა, აერთიანებს საერთაშორისო ექსპერტებს, რათა ჯანმოს ვაქცინების უსაფრთხოებასთან დაკავშირებულ გლობალურ პრიორიტეტებზე დამოუკიდებელი და ავტორიტეტული სამეცნიერო რჩევები მიაწოდოს. კომიტეტმა 2025 წლის 27 ნოემბერს გამართულ შეხვედრაზე განიხილა უახლესი ანალიზი, რომელიც ფოკუსირებული იყო თიომერსალის შემცველ ვაქცინებსა და ASD-ს შორის კავშირზე, ასევე ზოგადად ვაქცინებსა და ASD-ს შორის არსებულ შესაძლო კავშირზე.
ანალიზისთვის გამოყენებულ იქნა 31 პირველადი კვლევის მონაცემები, რომლებიც 2010 წლის იანვრიდან 2025 წლის აგვისტოს ჩათვლით პერიოდში გამოქვეყნდა.
