ჯანდაცვის მსოფლიო ორგანიზაციის (ჯანმო) ვაქცინების უსაფრთხოების საკითხებში გლობალურმა საექსპერტო კომიტეტმა განაცხადა, რომ არსებული მტკიცებულებების საფუძველზე, ვაქცინაციასა და აუტიზმის სპექტრის აშლილობას (ASD) შორის გამომწვევი კავშირი არ არსებობს. აღნიშნული დასკვნა კიდევ ერთხელ ადასტურებს ჯანმოს პოზიციას, რომ ბავშვთა ვაქცინები არ იწვევს აუტიზმს.
1999 წელს შექმნილი გლობალური საკონსულტაციო კომიტეტი ვაქცინების უსაფრთხოების საკითხებში აერთიანებს საერთაშორისო ექსპერტებს, რათა ჯანმოს მიაწოდოს დამოუკიდებელი და ავტორიტეტული სამეცნიერო რჩევები ვაქცინების უსაფრთხოებასთან დაკავშირებულ გლობალურ პრიორიტეტებზე. 2025 წლის 27 ნოემბერს კომიტეტმა განიხილა ახალი ანალიზი, რომელიც ფოკუსირებული იყო თიომერსალის შემცველ ვაქცინებსა და ASD-ს შორის კავშირზე, ასევე ზოგადად ვაქცინებსა და ASD-ს შორის ასოციაციაზე. შესაბამისი დასკვნა ეფუძნება 31 პირველადი კვლევის მონაცემებს, რომლებიც 2010 წლის იანვრიდან 2025 წლის აგვისტომდე პერიოდში გამოქვეყნდა.
