ინგლისის კრიკეტის ნაკრების სწრაფი ბოულინგის მოთამაშე მარკ ვუდი, მუხლის ტრავმის გამწვავების გამო, Ashes-ის ტურნირს გამოეთიშა. მის ნაცვლად გუნდში მეთიუ ფიშერი ითამაშებს.

35 წლის ვუდი მოედანზე 8-თვიანი პაუზის შემდეგ, მუხლის ოპერაციის შემდგომ, პერთში გამართულ პირველ ტესტ-მატჩში დაბრუნდა. თუმცა, მას მარცხენა მუხლზე შეშუპება განუვითარდა, რის გამოც მეორე ტესტის გამოტოვება მოუწია. თავდაპირველად, ინგლისის ნაკრები იმედოვნებდა, რომ ვუდი დარჩენილ სამ ტესტში მაინც მიიღებდა მონაწილეობას, თუმცა ის უახლოეს დღეებში სამშობლოში დაბრუნდება.

„ძალიან დამწყდა გული, რომ Ashes-ის დარჩენილ ნაწილში მონაწილეობას ვერ მივიღებ“, - დაწერა ვუდმა Instagram-ზე.