კომპანია Google ახორციელებს საპილოტე პროგრამას, რომლის ფარგლებშიც, Google News-ის შერჩეულ გვერდებზე, ხელოვნური ინტელექტის (AI) გამოყენებით გენერირებული სტატიების მიმოხილვები გამოჩნდება. აღნიშნულის შესახებ ინფორმაცია კომპანიამ ოთხშაბათს გაავრცელა.

პროგრამაში მონაწილეობენ ისეთი გამოცემები, როგორებიცაა Der Spiegel, El País, Folha, Infobae, Kompas, The Guardian, The Times of India, The Washington Examiner და The Washington Post. Google-ის განცხადებით, კომერციული პარტნიორობის მიზანია იმის შესწავლა, თუ როგორ შეუძლია ხელოვნურ ინტელექტს აუდიტორიის ჩართულობის გაზრდა. სტატიების AI-ზე დაფუძნებული მიმოხილვების დამატებით, მომხმარებლები სტატიის წაკითხვამდე მეტ კონტექსტს მიიღებენ.