ტექნოლოგიური გიგანტი Google-ი გეოთერმული ენერგიის სტარტაპ Fervo Energy-ის 462 მილიონიან საინვესტიციო რაუნდში ჩაერთო. აღნიშნული ინვესტიცია Fervo Energy-ს პირველი მასშტაბური ელექტროსადგურის დასრულებისა და სხვა პროექტების განხორციელების საშუალებას მისცემს.

მოზიდული თანხები კომპანიას დაეხმარება გააგრძელოს მუშაობა იუტაში მდებარე 500 მეგავატი სიმძლავრის Cape Station-ის ელექტროსადგურზე და დაიწყოს სხვა პროექტების განვითარება. Fervo Energy-ს უკვე აქვს შეთანხმება Google-თან, რომლის ფარგლებშიც კომპანია Google-ის მონაცემთა ცენტრებს ელექტროენერგიით მოამარაგებს. Cape Station-ის პირველი ფაზის ამოქმედება 2026 წლისთვის იგეგმება.

ცნობისთვის, საინვესტიციო რაუნდს B Capital-ი ხელმძღვანელობდა, რომელშიც ასევე მონაწილეობდნენ ისეთი ინვესტორები, როგორებიც არიან Centaurus Capital-ი და Google-ი. Fervo Energy-ის წარმომადგენლის განცხადებით, Cape Station-ის მშენებლობა მიმდინარე წელს დასრულდება.