დიდი ბრიტანეთის პრემიერ-მინისტრმა კირ სტარმერმა, საფრანგეთის პრეზიდენტმა ემანუელ მაკრონმა და გერმანიის კანცლერმა ფრიდრიხ მერცმა განაცხადეს, რომ შეთანხმდნენ, რომ ეს არის კრიტიკული მომენტი უკრაინისთვის, მისი ხალხისა და მთლიანად ევროატლანტიკური რეგიონის უსაფრთხოებისთვის. განცხადება დონალდ ტრამპთან ერთობლივი სატელეფონო საუბრის შემდეგ გაკეთდა.
საუბარი შეეხო რუსეთ-უკრაინის ომის დასრულების გეგმას, რომელსაც აშშ ხელმძღვანელობს. ევროპელი ლიდერები აცხადებენ, რომ უახლოეს დღეებში "ინტენსიური მუშაობა" გაგრძელდება. თეთრი სახლის წარმომადგენელმა დაადასტურა სატელეფონო საუბრის ფაქტი, თუმცა დეტალები არ გაუსაჯაროებია. ეს მოხდა მას შემდეგ, რაც ტრამპმა ევროპელი ლიდერები "სუსტებად" მოიხსენია და მიანიშნა, რომ აშშ-მ შესაძლოა უკრაინის მხარდაჭერა შეამციროს.
A
