ევროკავშირის მთავრობებმა მხარი დაუჭირეს რუსეთის 210 მილიარდი ევროს ღირებულების აქტივების უვადოდ გაყინვას. აღნიშნული აქტივები ევროკავშირში მას შემდეგ გაიყინა, რაც რუსეთმა უკრაინაში სრულმასშტაბიანი ომი დაიწყო.
მოსკოვის თანხების უდიდესი ნაწილი ბელგიურ ბანკში, Euroclear-შია განთავსებული. ევროპელი ლიდერები იმედოვნებენ, რომ მომავალ კვირას დაგეგმილ ევროკავშირის სამიტზე შეთანხმდებიან თანხების გამოყენებაზე, რათა კიევს სესხის სახით დაეხმარონ სამხედრო და ეკონომიკური საჭიროებების დაფინანსებაში. უკრაინას, რუსეთთან ომის თითქმის ოთხი წლის შემდეგ, ფინანსური რესურსები ეწურება და დაახლოებით 13 მილიარდი ევრო სჭირდება.
A
