აშშ-ის ფედერალურმა სავაჭრო კომისიამ (FTC) უარი თქვა სკოტ ცუკერმანის, ჯაშუშური პროგრამების კომპანია Support King-ის დამფუძნებლის მოთხოვნაზე, გაეუქმებინათ მისთვის დაწესებული აკრძალვა ჯაშუშური პროგრამების წარმოებასა და გავრცელებაზე. ცუკერმანმა, რომლის კომპანიებიც მოიცავდნენ SpyFone-სა და OneClickMonitor-ს, აკრძალვის გაუქმების თხოვნით FTC-ს მიმდინარე წლის ივლისში მიმართა.

ცუკერმანს აკრძალვა 2021 წელს დაუწესდა, მას შემდეგ, რაც მისი კომპანიის მონაცემთა ბაზიდან მომხმარებლებისა და მათზე მეთვალყურეობის ქვეშ მყოფი პირების პირადი ინფორმაცია გაჟონა. FTC-ის გადაწყვეტილება ნიშნავს, რომ ცუკერმანი ვეღარ შეძლებს ჯაშუშური პროგრამების შეთავაზებას, რეკლამირებასა და გაყიდვას.